Հարգելի՛ քաղաքացիներ, 

ՀՀ քննչական կոմիտեի նախագահի, նրա տեղակալների, գլխավոր քարտուղարի, Տարածքային քննչական վարչությունների գործունեության վերահսկողության գլխավոր վարչության պետի, հիմնական մասնագիտական կառուցվածքային ստորաբաժանումների (այլ ստորաբաժանումներ, մարզային վարչություններ, տարածքային բաժիններ) պետերի մոտ իրականացվում են ընդունելություններ: 

Քաղաքացիների ընդունելության կազմակերպումը ՀՀ քննչական կոմիտեի կենտրոնական մարմնում իրականացվում է Քաղաքացիների ընդունելության կազմակերպման և անցագրային բաժնի (ք. Երևանՙ Մամիկոնյանց 46/5, հեռ. 012 515 423, 012 515 424, էլ. հասցե՝ qk.qaxaqaciner@investigative.am), իսկ մյուս հիմնական մասնագիտական կառուցվածքային ստորաբաժանումներում՝ այդ ստորաբաժանումների աջակցող մասնագիտական կառուցվածքային ստորաբաժանումների կողմից (բաժինների հասցենները, հեռախոսահամարները և էլեկտրոնային հասցեներն առկա են ՀՀ քննչական կոմիտեի պաշտոնական կայքի Կառուցվածք բաժնում):             

ՀՀ քննչական կոմիտեի նախագահի մոտ ընդունելության համար կարող են հերթագրվել այն քաղաքացիները, որոնց առնվազն մեկ անգամ ընդունել է ՀՀ քննչական կոմիտեի նախագահի՝ համապատասխան ոլորտը կարգավորող տեղակալը, կամ Տարածքային քննչական վարչությունների վերահսկողության գլխավոր վարչության պետը, կամ գլխավոր քարտուղարը, սակայն հանդիպման արդյունքները քաղաքացիների կողմից համարվել են ոչ բավարար:

Հայրենիքի պաշտպանության համար մղված մարտական գործողությունների մասնակիցների, զոհվածների ընտանիքի անդամների, անչափահասների, հղի կանանց, տարեցների և հաշմանդամների ընդունելությունը կազմակերպվում է արտահերթ:

Ստորև՝  

Հայաստանի Հանրապետության քննչական կոմիտեում քաղաքացիների ընդունելության կարգը հաստատելու մասին ՀՀ քննչական կոմիտեի նախագահի հրամանը: