Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Վիլեն Գաբրիելյանի և Նարեկ Մարտիրոսյանի նկատմամբ կիրառված բռնարարքի դեպքի առթիվ հարուցվել է քրեական գործ

30.01.2015 16:54

Երևան քաղաքի քննչական վարչության Երևանի Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ Վիլեն Գաբրիելյանին և Նարեկ Մարտիրոսյանին մարմնական վնաս պատճառելու եւ ծեծելու դեպքի առթիվ։

Երևանի Կենտրոն և Նորք-Մարաշ վարչական շրջանների քննչական բաժնում ստացվել են ոստիկանության Կենտրոնականի բաժնում նախապատրաստված նյութերն առ այն, որ 2015թ. հունվարի 17-ին՝ ժամը 22:00-ի սահմաններում, Երևան քաղաքի Կողբացի 29 հասցեի մոտ անհայտ անձինք ձեռքերով, ոտքերով և մահակներով հարվածներ հասցնելով, ծեծել են Վիլեն Գաբրիելյանին և Նարեկ Մարտիրոսյանին։

Հասցվածի հարվածների հետևանքով Վ.Գաբրիելյանի առողջությանը դիտավորությամբ պատճառվել է թեթև վնաս՝ փակ գանգուղեղային վնասվածքի, զույգ ակնակապճային և քթի շրջանների փափուկ հյուսվածքների, ձախից՝ ենթաշաղկապենային արյունազեղումների, աջ ճակատային շրջանի քերծվածքի, աջ և ձախ գագաթային, ձախ քունքագագաթային և ձախ ստորին կոպի շրջանների սալջարդ վերքերի ձևով:

ՀՀ ոստիկանության Կենտրոնականի բաժնում նախապատրաստված նյութերի հիման վրա ՀՀ քննչական կոմիտեի Երևան քաղաքի քննչական վարչության Երևանի Կենտրոն և Նորք-Մարաշ վարչական շրջանների քննչական բաժնում հունվարի 30-ին հարուցվել է քրեական գործ՝ ՀՀ քրեական օրենսգրքի 117-րդ և 118-րդ հոդվածների հատկանիշներով:

Ձեռնարկվում են անհրաժեշտ քննչական և օպերատիվ-որոնողական միջոցառումներ՝ դեպքի բոլոր հանգամանքները, առերևույթ հանցագործություն կատարած անձանց ինքնությունը պարզելու ուղղությամբ։


Մեկնաբանություններ
Ձեր էլ.հասցեն մնում է գաղտնի