Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Բացահայտվել են թմրամիջոցների ապօրինի շրջանառության դեպքեր

12.09.2017 14:46

Գողության դեպքի առթիվ ՀՀ քննչական կոմիտեի Սյունիքի մարզային քննչական վարչությունում քննվող քրեական գործով իրականացված բազմակողմանի քննության արդյունքում բացահայտվել են թմրամիջոցների ապօրինի շրջանառության դեպքեր։

2017թ. հուլիսի 2-ին Սյունիքի մարզի բնակչից հաղորդում էր ստացվել առ այն, որ հունիսի 26-ի լույս 27-ի գիշերն իրենց անասնագոմից հափշտակել են երկու գլուխ ոչխար:

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերի հատկանիշներով, որով նախաքննությունն իրականացվում է Սյունիքի մարզային քննչական վարչությունում։ Իրականացված մեծածավալ քննչական, օպերատիվ-որոնողական գործողությունների արդյունքում պարզվել է ենթադրյալ հանցագործություն կատարած անձանց ինքնությունը։

Քննության տվյալներով՝ բնակչի անասնագոմից կատարված գողությանը մասնակցել են երկու հոգի, ովքեր հայտնաբերվել են և քրեական գործով ներգրավվել որպես մեղադրյալ։ Բացի այդ, նրանցից մեկի մոտ հայտնաբերվել է «Մարիխուանա» տեսակի թմրամիջոց, և քննությամբ պարզվել է թմրամիջոցն իրացնողի ինքնությունը, բացահայտվել իրացման այլ դրվագներ ևս։

Ձեռք բերված բավարար ապացույցների հիման վրա՝ մեղադրանք է առաջադրվել 4 անձի. նրանցից մեկին՝ ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, մյուսին՝ ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով և 268-րդ հոդվածի 1-ին մասով, երրորդին՝ ՀՀ քրեական օրենսգրքի 266-րդ հոդվածի 1-ին մասով (2 դրվագ), ևս մեկին՝ ՀՀ քրեական օրենսգրքի 268-րդ հոդվածի 1-ին մասով: Երկուսի նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է, իրականացվում են անհրաժեշտ քննչական գործողություններ՝ բազմակողմանի, օբյեկտիվ և լրիվ հետազոտումն ապահովելու, այդ թվում՝ թմրամիջոցների ապօրինի շրջանառության հնարավոր այլ դրվագները բացահայտելու ուղղությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:


Մեկնաբանություններ
Ձեր էլ.հասցեն մնում է գաղտնի