Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

«Կենսաբանական ծագում ունեցող և ԴՆԹ պարունակող իրեղեն ապացույցների հայտնաբերում, փաթեթավորում, պահպանում» թեմայով դասախոսություն՝ Քննչական կոմիտեում (լուսանկարներ)

05.04.2019 18:01

Այսօր ՀՀ քննչական կոմիտեում կազմակերպվել է դասախոսություն՝ «Կենսաբանական ծագում ունեցող և ԴՆԹ պարունակող իրեղեն ապացույցների հայտնաբերում, փաթեթավորում, պահպանում» թեմայով, որին մասնակցում էին Քննչական կոմիտեի տարբեր ստորաբաժանումների ղեկավարները և քննիչները:

Դասախոսությունը վարում էր ՀՀ ԱՆ ԴԲ ԳԳԿ մոլեկուլային  գենետիկայի փորձաքննությունների բաժնի փորձագետ Դիանա Հարությունյանը:

Փորձագետը մանրամասն ներկայացրել է դատագենետիկական փորձաքննությունների նշանակման կարգը և առանձնահատկությունները:

Դասախոսության ընթացքում փորձագետը անդրադարձել է դեպքի վայրի զննության ժամանակ հետքերի,կենսաբանական նմուշների ճշգրիտ հավաքագրման և տեղափոխման աշխատանքների առանձնահատկություններին՝ դեպքի վայրում աշխատելու արդյունավետությունը բարձրացնելու, ինչպես նաև՝ ճշգրիտ արդյունքներ ստանալու համար:

Դասախոսության ընթացքում կարևորվել է ԴՆԹ պարունակող իրեղեն ապացույցների փաթեթավորման, նշագրման և պահպանման առանձնահատկությունները:


Մեկնաբանություններ
Ձեր էլ.հասցեն մնում է գաղտնի