Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Քննչական կոմիտեի նախագահն ամփոփել է Վայոց ձորի մարզային քննչական վարչության կողմից 2018 թվականի ընթացքում կատարված աշխատանքները (լուսանկարներ)

25.02.2019 18:09

ՀՀ քննչական կոմիտեի նախագահ Հայկ Գրիգորյանը փետրվարի 22-ին աշխատանքային այցով մեկնել է Վայոց ձորի մարզ՝ մարզային քննչական վարչության կողմից 2018 թվականի ընթացքում կատարված աշխատանքներն ամփոփելու նպատակով:

ՀՀ ՔԿ Վայոց ձորի մարզային քննչական վարչության պետ Հովիկ Խաչատրյանը ներկայացրել է 2018 թվականի ընթացքում մարզային քննչական վարչության կատարած աշխատանքները՝ թվային ցուցանիշներով:

Ըստ այդմ՝ հաշվետու ժամանակահատվածում Վայոց ձորի մարզային քննչական վարչությունում քննվել է 192 քրեական գործ՝ նախորդ տարվա 152 գործի դիմաց: 83 քրեական գործի վարույթ ավարտվել է: Հաշվետու ժամանակաշրջանում քննչական վարչության վարույթում քննված քրեական գործերի քանակը նախորդ տարվա համեմատ աճել է 40-ով, ինչը նաև պայմանավորված է նախորդ տարվա նույն ժամանակահատվածի համեմատ կոռուպցիոն բնույթի հանցագործությունների աճով:

ՔԿ նախագահ Հայկ Գրիգորյանը ոլորտ առ ոլորտ ուսումնասիրել է մարզային վարչության վարույթում գտնվող գործերի ընթացքը և այն առավել արդյունավետ կազմակերպելու նպատակով տվել կոնկրետ հանձնարարականներ:

ՔԿ նախագահը դրական է գնահատել մարզային վարչության կատարած աշխատանքը, միևնույն ժամանակ շետել, որ կատարելաագործվելը պետք է լինի ամենօրյա աշխատանք:

Հայկ Գրիգորյանը աշխատանքային այցի ընթացքում անդրադարձել է էլեկտրոնային նախաքննության ծրագրին՝ նշելով, որ մարտի մեկից Կոմիտեն ամբողջությամբ աշխատելու է այդ ծրագրով:


Մեկնաբանություններ
Ձեր էլ.հասցեն մնում է գաղտնի